2014(e)ko abendua 28, igandea

Amaierako gogoeta

Lauhilabetaldia amaitu da eta honekin bloggari bukaera emateko momentua ailegatu da. Polita eta laburra izan da, gertakizun eta jakintza berriez beterik.

Hasieran esan nuen bezala, irakasgaia uste bezain interesgarria izan zaidala esan beharra dut. Oraingoan informatika beste ikuspuntu batetik landu dugu, orain arte, nik behintzat, ezagutzen ez nuena. Lehen Hezkuntzako gradua denez, hezkuntzara bideratuta dago informatika. Hori dela eta, haien berri ez nuen hainbat programa ezagutu dut. Horietako asko etorkizunean erabiliko ditudala ziur nago; ikasitakoa ez da alferrikakoa izango.

Bestetik, gauza berriak ikasteaz gain, orain arte ezagutu nahi izan ditudan hainbat gauza ikasi ditut, bibliografia gordetzeko weborrialdeak adibidez.

Oso gustura sentitu naiz irakasgai honekin. Egin beharreko ariketak egiteko denbora nahikoa izan dugu beti eta horrek besteen erritmora moldatu behar ez izatea ahalbidetzen du. Gainera, ariketa horiek banaka nahiz taldeka egiteko aukera izan dugu, hori dela eta, ariketa bat konplexua iruditu zaigunean edo nahi izan dugunean, bikoteka egin dugu. Hau eskertzekoa da, ni ez naizelako oso trebea informatikarekin zerikusia duten gauzetan.

Agian urte osoko irakasgaia izatea komenigarria izango litzateke, gure gizartea honekin lotura zuzena duelako. Baina honek ez nau kezkatzen, aurrerago antzeko irakasgai bat izango dugulako eta teknologien erabilera berriez ikasteko aukera izango dugulako.


2014(e)ko abendua 21, igandea

Zortzigarren asteko gogoeta

Ikt-ko azkeneko klase magistralean, hiru aurkezpen izan genituen. Talde batek PLE eta MOOC kontzeptuez hitz egin zuen eta gainerako biek IKT-en erabilerari buruz. Kide batzuek euren gaia guri, entzuleei, galderak eginez aurkeztu zuten. Hau dinamikoagoa izatea ekarri zuen eta gure arreta nabariagoa izatea lortu zuten.

Praktikari hasiera emateko, mugikorrean erabiltzen ditugun programa desberdinen inguruan mintzatu ginen. Horien artean, QR agertu zen. Hauek kode batzuk dira eta kode bakoitza weborrialde bati dagokio. Mugikorrek kode horiek deszifratzeko aplikazio bat eskaintzen dute eta aplikazio horiek kameraren bidez kodeak enfokatzea eskatu egiten digute. Behin enfokatzean, kode horren weborrialdera eramaten gaituzte. Hauek geroz eta komunagoak dira gure gizartean ikustea, beraz, gure blogean jartzea gizartearekin batera aurrera egitea suposatzen du. Guk Unitag weborrialdeari esker, gure blogeko kodea egin genuen. Eskumaldean ikusi dezakezue nirearena.

Ondoren, infografiari buruz mintzatu ginen. Hau testuen aurkezpen bisuala da eta modu grafikoan agertzen diren deskripzio, narrazio eta interpretazioak parte hartzen dute horretan. Infografia hitza, ordenagailuen bidez eginiko irudiei erreferentzia egiteko erabili egiten da askotan.

Infografiari loturik, Easel deituriko web orrialdean aritu ginen. Honen bidez altxorraren bilaren antzeko jolasa asmatu genuen. Ez zitzaidan asko kostatu weborrialdea, Lehen Hezkuntzan erabiltzeko nahiko zaila iruditu baitzitzaidan. 

Geroago wordleri buruz mintzatu ginen. Hau asko gustatu egin zitzaidan eta bere erabilera eskolan argi ikusi nuen. Irakasleek edozein eduki lantzeko erabili ditzakete eta gainera umeek interes handiz eta motibazioz erabiliko dute. Nire ustez honek duen abantaila adierazgarrienetarikoa bertan erregistratu behar ez izatea da. Orain arte behatu ditugun weborrialde gehienak bertan erregistratzea eskatu egiten ziguten eta horrek askotan arazoak sortzen ditu; pribatutasun arazoak.   

Antzeko programa batzuk ere ikusi egin genituen.

Amaitzeko, modulu lan batzuen aurkezpenak izan genituen. Talde bakoitzak funtzionatzeko modu bat duela ikusi ahal izan dugu. Honekin zer adierazi nahi dut? Euren artean oso desberdinak izan direla.  Talde askori gertatu zaigun moduan, ahotsa gaizki entzuten zen eta hau eguraldi eta material eskasari esker da ( behintzat gure kasuan).Hala ere, argi dago guztien atzean lan asko dagoela.

2014(e)ko abendua 13, larunbata

Zazpigarren asteko gogoeta

Aste honetako klase teorikoan bi aurkezpen izan ditugu, gainerako klase guztietan bezala. Oraingoan ere talde batek, kurtsoan zehar hainbeste aldiz entzun dugun Web 2.0-ri buruz aritu dira. Web 2.0-ren historiaren eta erabileraren inguruan mintzatu dira, baita web 1.0 eta 2.0-ren desberdintasunen inguruan. Amaitzeko eta nire ustez adierazgarrienetarikoa, aditu batzuen iritziz, web 3.0 hamarkada honetan garatu egingo dela adierazi ziguten. Esaten da, Web 3.0ak adituen itzulpena eragingo duela, baina hori oraindik ikustear dago.

Bigarren aurkezpena ordea, e-learning-ari buruzkoa izan da. Hau kanal elektronikoaren bidez distantzian egindako irakaskuntza birtuala da. Horretarako emailak, eztabaidarako foroak, webguneak, etab bezalako aplikazioak beharrezkoak dira, ikaskuntza-irakaskuntza prozesuaren euskarri bezala. Beraz, esan dezakegu, hauei esker ez dela ikasleen eta irakasleen arteko harreman fisikoa behar; hauek etengabe komunikatuta egon daitezke. E-learning baten adibide dugu, guk hainbeste aldiz erabili izan dugun moodle.

Klase praktikoan hot potatoes erabiltzen ikasi ginen. Hau ordenagailuan instalatuta genuen eta programa honen bidez, ariketa desberdinak sortzeko aukera izan genuen. Hasiera batean, kide batekin sinonimoen ariketa bat sortzen hasi nintzen, baina ez genuen bere erabilera ondo ulertzen. Hitzak zutabe batean jartzen genituen eta beste zutabe batean euren sinonimoak, baina antza denez ez genuen ariketak eskatzen ziguna zuzen osatzen. Azkenean egitea lortu genuen.


Ondoren, bakoitzak gurutzegrama bat egitea pentsatu genuen. Nik asmatutako gurutzegraman, pista bat ematen da, asmatu beharreko hitza zuzen jartzeko.

Hot potatoes programa asko gustatu zitzaidan eskolan erabiltzeko. Ariketa hauen bidez ikasleek aukera dute euren hiztegia aberasteko eta landutako edukiak indartzeko. Argi dut etorkizunean nire ikasleekin erabiliko dudan programa dela, hori bai, beti nire ikasleak lehenengo eta bigarren ziklokoak badira; izan ere, ez dut uste oso aproposa denik hirugarren zikloan erabiltzeko.


Ondoren movie maker erabiltzen hasi ginen. Hau noizbehinka bideoren bat egiteko erabili izan dut, beraz, egin behar genuen ariketa egiteko ez nituen zailtasunak izan. Kartel bat hartu egin behar izan genuen eta horrekin bideo bat eratu. Horretarako kartela zati txikiagotan deskonposatu behar izan genuen paint-aren bidez. Gero Movie maker programak eskaintzen dituen efektuak ezarri nizkion ahalik eta politen geratu zedin eta amaitzeko abesti bat jarri  nion bideoari; baina momentuan bideorako musika aproposa ez nuenez, Youtube-tik abesti bat hartu behar izan nuen. Ondorengo bideoa da nik sortutakoa:


Azkenik, Spreaker radio-n aritu ginen. Hau gure ahotsa grabatzea ahalbidetzen duen programa da. Bi kiderekin aritu nintzen ariketa hau egiten eta gure burua ipuin bat kontatzen grabatu genuen. Momentuz gutxi erabiliko dudan weborrialdea dela uste dut, ez baitut inoiz ahots grabaketarik egiten.

2014(e)ko azaroa 30, igandea

Seigarren asteko gogoeta

Klase teorikoan nire taldeari tokatu zitzaion aurkezpena egitea eta haurrek interneten aurkitu ditzaketen arriskuei buruz aritu ginen. Gai hau oso sakona da, nahiz eta guk asko ez sakondu. Gaur egun, geroz eta arazo gehiago sortzen dira umeek internet modu egokian erabiltzen ez dakitelako. Baina euren errua da? Nire ustez ez.  Agian norbaitek hori erabiltzen irakatsi beharko lieke. Badakit hori esatea oso erraza dela, baina ez dut uste, momentuz behintzat, beste modurik dagoenik halako arazoak sahiesteko.

Power point-a egiteko momentuan, klasean honi buruz esandakoa kontuan izan genuen:6x6x6-ko erregela, tamaina, kolorea, etab.

Ondoren, nire taldeak aurkezpenean jarritako bideoa ikusi ditzakezue. Honek interneteko arriskuek ekar ditzaketen ondorioez hitz egiten du.




Praktikan, educaplay weborrialdean aritu ginen. Honetan jarduera desberdinak asmatu genituen; nire taldekideak eta biok gurutzegrama eta letren sopa bat asmatu genuen. Oso baliagarria iruditu zitzaidan lehen hezkuntzan txikitxoekin aritzeko, ariketa oso errazak eta ulergarriak prestatu daitezkeelako.

Komikiak egiteko weborrialde ezagutu genuen, Pixton deiturikoa.  Asko gustatu zaitzaidan baliabide hau, baina nire ustez baditu bi akats oso larri. Batetik narratzailerik jarri ezin izatea. Eskolan beti irakatsi digute ipuinetan nahiz edozein kontakizunetan narratzaile bat dagoela. Beraz, hau eskolara eramanez gero, umeek ez lukete narratzailearen rola zein garrantzitsua den ulertuko. Bestetik, pertsonaiak nahi ditugun moduan kokatzea ez dela oso erraza; pila bat buelta eman behar diogu pertsonaiari nahi dugun posturan kokatzeko.

Andererekin batera eginiko komikia da ondorengoa:
Ondoren GoAnimateren inguruko bideo bat ikusi genuen. Go animate, Pixtonen antzera, Eskola 2.0n erabiltzen den baliabidea da. Honekbideoak modu erraz batean sortzeko aukera ematen dizu.

Amaitzeko, ondorengo kontzeptuen inguruan aritu ginen: PLE ( personal Learnig Environment),LMS (learning management system) eta MOOC ( massive Online Open Course). Horietatik azkenekoa ezaguna egiten zitzaidan, aurreko klaseren batean horren inguruan hitz egin genuelako. Gainontzeko biak ezezagunak ziren, baina behin horien azalpena entzunda, nire ezagutzekin lotzeko aukera izan nuen. Adibidez LMS, moodle eta e-gela bezalako orrialdeak direla ikasi nuen.

2014(e)ko azaroa 23, igandea

Bostgarren asteko gogoeta

Aste honetan ere, klase magistralean, bi aurkezpen izan ditugu. Aurkezpen biak gai beraren inguruan izan dira: horizonte proiektua. Biak gai beraren inguruan aritu badira ere, bakoitzak puntu batetik aztertu du. Bigarren aurkezpenekoek MOOC ( Massive Online Open Course) deituriko kontzeptu bat aipatu dute. Hauek doihanik edo oso gutxi ordainduz eta inolako mugarik gabe guztientzat zuzentzen diren online ikastaroak dira, Arlo honetan agertu diren kontzeptu asko bezala, ez nekien hau existitzen zenik.

Praktikan webquest metodologia landu dugu. Ez nekien halako metodologiarik erabiltzen zenik, ez baitut inoiz hori erabili. Metodologia asko gustatu zait, azken finean umeak teknologiaren munduan murgiltzen laguntzen dituelako.Gauza guztiek bezala, bere abantailak eta desabanailak dituela argi dago. Abantailetan zentratu beharrean, desabantailetan zentratuko naiz. Nire ustez, halako metodologiek, irakaslearen rola bigarren plano batean geratzea eragiten dute eta gaur egun, ez dut uste halako jarrerarik behar dugunik. Teknologiak gizakiei lana kentzen ari dira, horrela langabezia tasa handituz. Baina horregatik ezin ditugu alde batera utzi, gizartearen aurka, aurrerapenen aurka, aritzea izango litzatekeelako. Beraz, horien erabilera bultzatu behar badugu ere, ezin dugu ahaztu gu geu garela gure gizartearen jabe.



Ardoraren inguruan mintzatu gara, horretarako java instalatuta izan behar genuen gure ordenagailuan. Nik zailtasunak izan ditut hori instalatzeko, ordenagailuak ez zidalako uzten. Azkenean instalatzea lortu dudanean, ardorak java erabiltzea eskatu dit baina ordenagailuak horren erabilera blokeatu dit eta ez dit ezer egiten utzi. Gainontzekoei antzeko zerbait gertatu zaienez gero, ardoraren funtzionamendua nolakoa den beste egun baterako utzi dugu.

Padlet weborrialdean muroak nola egiten diren aztertu dugu. Egia esanda, ez naiz inoiz gauza horietan trebatu, beraz, hau nire lehenengo aldia izanda, nahiko ondo moldatu naizela esan dezaket. Badakit muroak ez ditudala unibertsitatean egin beharko, baina etorkizun batean ziur nago zerbaitetarako oso baliagarria izango zaidala. Ondorengo linkean, nik eraikitako muroa ikusi dezakezue: http://es.padlet.com/wall/31tc9q2lcmnq


2014(e)ko azaroa 15, larunbata

Laugarren asteko gogoeta

Klase magistralean bi aurkezpen izan genituen. Lehenengo aurkezpenekoek egungo gizartea eta eskolaren ezaugarriak azaltzen hasi ziren, gure gizartea teknologiaren menpe dagoela jakinaren gainean utziz. Erabat ados nago eurek esandakoarekin, gaur egun, denok neurri batean teknologiaren beharra dugulako.

Teknologia dela eta, hezkuntza sistema berriztatu dela adierazi zuten. IKT-ak eskoletan txertatu dira eta horrek arazoak sortu ditu zenbaitetan, izan ere, irakasle askok ez dakite teknologia modu egokian erabiltzen. Praktika aldian aritu nintzenean, irakasleak teknologia ez menperatzea erabat normala zela ikusi ahal izan nuen. Egia da, irakasle helduek gazteek baino zailtasun gehiago izaten dituztela hauek menperatzeko, izan ere, ez dira teknologien artean hazi. Hala ere, praktika aldian, gazteek ere hauek menperatzeko zailtasunak dituztela ikusi ahal izan nuen. Beraz, irakasleok, teknologiek gidatutako gizarte honetan rol garrantzitsu bat izaten jarraitu nahi badugu, asko ikasteko dugu oraindik.

Bigarren taldea haurrek interneten aurki ditzaketen arriskuei buruz aritu zen. Nire ustez, erabat normala da gurasoek beldur izatea umeek sarean aurkitu dizateketenari buruz, komunikabideetan geroz eta gauza gehiago entzuten direlako umeek sareetan izaten dituzten arazoei buruz. Beraz, umeek sarean zer egiten duten kontrolatu beharko genuke eta askatasun gehiegirik ez eman. Txikitatik sarean ondo aritzen irakatsi behar zaie; norberaren datuak edonon edo edonori ez ematen, ezezagunekin ez hitz egiten, etab.





Praktikan irakasleak APA-ko arauei jarraituz bibliografia nola egin behar dugun azaldu zigun. Orain arte irakasle bakar batek ere ez digu halakorik azaldu, nahiz eta lanetan gaizki egiten genuela ikusten zuten. Lan ia guztietan bibliografia egin behar dugula kontuan hartuz, bai orainaldirako  bai etorkizunerako azalpen hau oso baliagarria izan dela uste dut.

Ondoren word-a landu genuen. 

Informazioa bilatzean, bibliografia gordetzeko modu desberdinak ikusi genituen. Nik orain arte, bibliografia word batean apuntatzen nuen, baina irakasleak on-line-n gordetzeko moduak irakatsi zizkigun. Horretarako hiru orri desberdin aztertu genituen: Delicious, Digo eta Konnote. Lehenengo orrian, harpidetu beharra dago eta ezkerreko aldean, "link"jartzen duen tokian, gure linkak gordetzeko aukera ematen digu. Modu pribatu nahiz publikoan gordetzeko aukera dugu. Horretaz gain, link horren garrantzia edo interesa gogoratzeko, azalpen txiki bat jarri dezakegu.

Bideo asko ikusi genituen eta horien ezaugarriak aztertu genituen. Lehenengo "Los grandes educadores" deituriko bideoa ikusi genuen. Horretan agertzen zen soinua oso lasaia zen, lo geratzeko modukoa. Gainera autore eta autore horiek esandako esaldi asko agertzen ziren, behin eta berriro hitz desberdinez gauza bera adieraziz. Bideo bera hainbat aldiz ikus genuen, baina soinu eta modu desberdinean kontatuta,



Geroago " Por cuatro esquinitas de nada" bideo ikusi genuen. Hau ere, oso modu desberdinetan kontatu daitekeela ikusi genuen. Batzuetan musika agertzen zen, beste batzuetan ordea, istorioa ume batzuen ahotsez kontatuta zegoen; bideo bakoitzak bere ezaugarriak zituen, bideoa berezi eta gainontzekoetatik bereizi egiten zuena.



Amaitzeko "El maltrato sutil" ikusi genuen. Honen helburua entzulea hunkitzea da eta horretarako ahots eta erregistro egokia erabiltzeaz gain, istorioarekin bat datozen irudiak aukeratu ditu egileak.





2014(e)ko azaroa 2, igandea

Hirugarren asteko gogoeta

Klase magistralean, lehenengo aurkezpena izan genuen. Ikaskide hauen gaia "5 urteko haurrak mezu elektronikoak idazten" zen. Lan hau egiteko irakasleak emandako testua landu behar izan zuten eta horretaz gain, eurek aurkitutako informazioaz baliatu ziren. Herrialde batzuetan erabilitako metodoak azaldu zituzten eta horretarako bideo batzuez baliatu ziren.


Aurkezpena asko gustatu zitzaidan, ikaskideek aurkeztutako proiektua, peluxeena, erabat interesgarria iruditu zitzaidalako. Ez nekien eskoletan halako proiektuak lantzen zituztenik.

Lehenengo praktikan didaktikaren ikuspuntutik story birds-en inguruan mintzatu ginen . Web orrialde hau asko gustatu egin bazitzaidan ere, desabantaila asko dituela aipatu beharra dut. Batetik istorioa erabat mugatuta dago; web orriak berak irudiak ematen ditu eta pertsonaia berekin oso irudi gutxi eskaitzen ditu. Beraz sormenerako aukera askorik ez du ematen. Bestetik, ingelesez dago. Gurea ez den hizkuntza batean aritzea hori hobetzeko baliagarria bada ere, zailtasunak ere baditu; azken finean web orrialdeko hitz asko ez ulertzera eramaten gaituelako. Hau guztia kontuan izanda,web orrialde hau lehen hezkuntzan, hirugarren ziklokoentzat soilik aproposa dela esango nuke.

Ondoren calameo  deituriko web orrialdean sartu ginen. Honetan ipuinak sortu daitezke, irteerei buruz idatzi, etab. Amaitzeko, liburuak jeisteko orrialde batean aritu ginen. Nik ez dut asko irakurtzen normalean, beraz azkeneko web orrialde hau niretzat ez da oso baliagarria. Gainera irakurri egiten dudanean, nahiago dut liburu originala esku artean izatea.

2014(e)ko urria 26, igandea

Bigarren asteko gogoeta

Klase teorikoan WEB2.0-ri buruz aritu gainen. Horren inguruko hainbat kontzepturi buruz mintzatu ginen; estandarizazioa, bernahasketa, konbergentea, partehartzea, erabilerraztasuna eta ekonomia. Kontzeptu horien barnean beste hainbat kontzeptu daudela behatu genuen eta horiek banan banan azaldu genituen. Horietako hitz asko ezagunak egiten zitzaizkidan, baina ez informatikaren munduan duten esanahaiagatik.

Praktiketan ere gauza desberdinak landu genituen. Osteguneko praktikan, power pointak. Askotan ikasgelako kideen aurrean azalpenak egiten ditugunean power pointa erabiltzeko ohitura dugu, baina beti ez dugu modu egokian egiten. Zergatik? Informazioari begira, letra tamaina, kolorea, kopurua, etab egokiak ez direlako.
  • Erabiltzen dugun letra 24/28koa izan behar du, urrunean dauden ikasleak irakurri ahal izateko. 
  • Kolorearekin gauza bera gertatzen da, kolore oso argiak jarriz gero, entzuleek ezingo dute jarritakoa irakurri.
  •  Informazioa argia izan behar du eta ez dira hitz asko agertu behar, entzuleak aditasuna galtzeko ohitura duelako letra asko ikusten duenean.
Ondoren power pointean jarri ahal den animazioari buruz eta orokorrean, dauden dokumentu desberdinei buruz mintzatu ginen (irudiak eta soinuak gordetzeko). Dokumentu desberdinak bazeudela banekien, baina bakoitzaren ezaugarriak ez nituen ezagutzen orain arte inork azaldu ez didalako.

Ostiraleko praktikan, dokumentua konprimitzen eta deskonprimitzen ikasi genuen. Geroago consigna.ehu.es webgunean aritu ginen. Hau baliagarria zaigu lan taldeak egiten ditugunean gure taldekideek guk jarritako dokumentua eskuratu ahal izateko. Orain arte, drive moduko baliabideak erabiltzen genituen horretarako.

Behin horrekin amaitu genuela, copyscape lantzen hasi ginen. Honen bidez kopiatu egin diguten edo ez jakin dezakegu. Ez nekien halako tresnarik zegoenik, ez baitut inoiz horren ikonorik webgunean batean ere ikusi; izan liteke, inoiz fijatu ez izana.

Amaitzeko story bird-en aritu ginen. Honen bidez ipuinak egin ahal ditugu eta ondoren interneten argitaratu. Nik asmatutako ipuina hurrengo argitalpenean ikusi ahal izango duzue.

2014(e)ko urria 17, ostirala

Lehenengo asteko gogoeta

Informatikaren inguruko irakagai hau nire interesekoa dela badakit, informatika beti izan baita nire gustuko arloa. Hala ere, oso trebea ez naizela esan behar dut.

Aste honetan saio teoriko bat eta bi saio praktiko izan ditugu. Saio teorikoan ezagutzazko gizarteari buruz aritu ginen eta egia esanda, ez nuen horren inguruko ideiarik, hori dela eta, nire burua nahiko galduta ikusi nuen.

Praktikan ordea, blogari buruz mintzatu ginen. Ez naiz sekula horrelako gauzetan aritu, baina nire neba informatikoa izanda, behin baino gehiagotan horretan aritzen ikusi dut. Oraingoan ordea, ni izango naiz blogaren arduradun. Beraz, nire aldetik posible den guztia egingo dut blog honek arrakasta izan dezan.

Esperientzia berri honek, irakasgaiarekin batera, aukera emango dit informatikaren inguruan gehiago jakiteko eta gure gizartearen gertatzen diren aldaketak hobeto ulertzeko.

Hemendik aurrera blog honetan astero klase teoriko nahiz praktikoan egindakoaren inguruan hausnarketa bat egingo dut.